مجلة صور واخبار الاسبوعيه رئيس التحرير جعفر الخابوري

عبد السلام النابلسى مكنش بيحب فكرة المرض وكان بيخاف من المستشفيات.. لدرجة أنه فى مرة دخل مستشفى من كتر التعب فالدكاتره قعدوه اسبوع كامل بين فحوصات وتحاليل ولما عرف انهم قرروا يعملوا له عملية هرب من المستشفى وقدروا يرجوعه مرة تانية بصعوبة شديدة..

المهم أن النابلسي في نهاية مشواره اضطر يدخل المستشفى بعد ما البنك اللي كنا شايل فيه فلوسه أعلن افلاسه..

وقتها قعد فى المستشفى 40 يوم.. ولما جه يخرج المستشفى طلبت الفاتورة .. فصديق عمره فريد الأطرش عرف بالخبر وقرر يتكفل بكل المصاريف.

الأطرش برضه هو اللى اتكفل بكل مصاريف الجنازة بتاعة النابلسي ..ولما مراته بعد فترة راحت له وقالت خلاص ربنا رزقنى بفلوس واقدر اسدد لك تمن مصاريف الجنازة ..رفض واعتبر ان ده واجبه ناحية صديقه النابلسى اللى كتب فى مرة مقال عن الأطرش وقال فيه : له أخلاق الملوك، فنان كبير جرى فنه في دمه وروحه وحياته، كان يعلم أن المجد وحش مفترس ولم يترك الوحش حتى روضه وامتطاه، إحساسه مرهف كالسيف ذي الحدين، كلمة منك تسعده وكلمة منك تشقيه، وهو دائما يجرح نفسه ولا يجرحك، له ألف أذن يسمع بها كلاما يؤذيه وهو لو شاء لاستمع بأذن واحدة إلى ما يطربه ويرضيه..
#الحكواتي_الهامي_سمير
#الهامي_سمير