صحيفة نبض الشعب الاسبوعيه رئيس التحرير جعفر الخابوري

فى مرة راحت شادية مع اسرتها علشان تقضي اجازة الصيف فى اسكندرية..

وفى يوم من الايام وهى معدية على اشارة فى سيدي جابر .. لمحت شاب بيحييها فردت التحية بأحسن منها.. فلقت الشاب بيمد إيده علشان يسلم عليها .. فى نفس الوقت اللى فتحت فيه الاشارة ولقت اخوها بينطلق بالعربية من غير ما ياخد باله ان الشاب بيمد ايده علشان يسلم عليها ..

وقتها سمعت شادية صوت خبطة جامدة .. بتبص وراها لقت الشاب واقع ع الارض مش حاطط منطق ولا حساب مثلثات.. فرجعت مع اخوها يشوفوا اللى حصل .. وبدأت الناس تتلم فشادية قالت "خلاص هناخده نوديه المستشفي"..

وعنها ولاد الحلال شالوا أخينا هيلا بيلا وحطوه فى الكرسى الخلفي.. وفضل يتوجع لفترة من الوقت لحد ما العربية وقفت فى إشارة تانية فلقوا الشاب بيقوم من مكانه وبيقولهم "خلاص نزلوني هنا".. فوقف اخو شادية وهو مش فاهم حاجة.. بينما شادية مش قادرة تنطق.. لحد ما اخينا كسر حالة الصمت وقال "انا خبطت ضهر العربية بإيدي ورميت نفسي ع الارض وعملت فيها بموت علشان الست تحن عليا وأفضل معاها أطول وقت ممكن"..

#الحكواتي_الهامي_سمير
#الهامي_سمير